वंदना विटणकर यांची ही कविता महाराष्ट्र शासनाच्या #गीतमंच (पुणे) विभागा करीत स्वरबद्ध करून पुण्यातील अनेक प्रशिक्षण वर्गातून महाराष्ट्रातील संगीत शिक्षकांना शिकविली होती.आर्णीच्या माझ्या संगीत विद्यालयाच्या रौप्यमहोत्सवी कार्यक्रमात विद्यार्थ्यांनी सादर केली होती तो व्हीडिओ मिळाला...सादर आहे.
हे प्रभो जगदीश्वरा स्वीकार आमुची प्रार्थना
सन्मती देई सदा फुलवी मनी सद्भावना...
प्रेममय रूपे तुझी विश्वात साऱ्या व्यापली
जीवनाची धारणा चरणी तुझ्या सामावली
थोर हा महिमा तुझा गण्यास देई प्रेरणा..
झळकसी गगनातुनी हसतोस तू सुमनातुनी
होऊनी जलधार तू देतोस रे संजीवनी
सर्वदा आनंददाता तूच देवा पावना...
लोपवी अज्ञान हे सृजनत्व देई ईश्वरा
हो कृपेची साउली सकलास तू करुणाकरा
उजळुनी अंधार ने तेजाकडे जनजीवना...
डावीकडून...तबला - निषाद कदम,,गायक - सच्चिदानंद डाखोरे,रेणू कदम,भाग्यश्री जाधव.साईड रिदम - किशोर कोरडे.हार्मोनियम - अस्मादिक.
●headphone please
No comments:
Post a Comment