मराठी गझल गायकीच्या अगदी सुरवातीच्या काळातील आमची (सुरेश भट आणि मी) वडवड...सोबतीला हार्मोनियम,तबला आणि निवेदक...जेव्हा फक्त मराठी गझल गायनाचा तीन तासाचा कार्यक्रम कोणीच करत नव्हते तेव्हाचा कार्यक्रम...
आसवांनी मी मला भिजवू कशाला ?
एवढेसे दु:ख मी सजवू कशाला...?
लागले वणवे इथे दाही दिशांना
एक माझी आग मी विझवू कशाला ?
रात्र वैर्‍याची पहारा सक्त माझा
जागणारे शब्द मी निजवू कशाला ?
मी असा कलदार कोठेही कधीही
पावल्या चवल्यास मी खिजवू कशाला ?
साय मी खातो मराठीच्या दुधाची
मी कुणाचा उंबरा झिजवू कशाला ?
सुधाकर कदम
गझल - सुरेश भट
तबला - शेखर सरोदे
सूत्रसंचालन-डॉ.सुरेशचंद्र नाडकर्णी
No comments:
Post a Comment