सी-१-सी/१३,गिरीधर नगर,वारजे-माळवाडी,पुणे-५८. मोबा.8888858850
माझी मराठी गझल गायकीमराठी गझल गायकीला तशी कोणतीही परंपरा नाही.माझ्या अगोदर मराठी गझल,गझलसारखी गाण्याचा फ़ारसा प्रयत्न कोणीच केला नसल्यामुळे मराठी गझल गाणे हे माझ्यासाठी आव्हान होते.मराठीमध्ये गझल जशी उर्दूकडून आली तशीच मराठी गझल गायकीही उर्दू गझल गायकांकडून उचलावी लागली.माझी गायकी किंवा ढंग हा पाकिस्तानचे मेहदी हसन,फ़रिदा खानम,गुलाम अली व आपले जगजीत सिंग ह्यांच्या गायकीवरुन तयार झाला आहे.त्या काळात विदर्भातील यवतमाळ जिल्ह्यातील आर्णी सारख्या आडवळणी गावात वरील गायकांच्या ध्वनिमुद्रिका सुध्दा मिळत नव्हत्या.पाकिस्तान रेडिओवरुन जे काही ऐकायला मिळायचे त्यावरुन मला जेवढे शिकता येईल तेवढे शिकत गेलो.पुढे स्व.सुरेश भटांनी मला मेहदी हसन,फ़रीदा खानम, यांच्या ध्वनिफ़िती दिल्या.हळूहळू गुलाम अली,जगजीत सिंग,बेगम अख्तर यांच्याही गायकीचा अभ्यास करुन मी माझा वेगळा असा बाज निर्माण केला. (पृष्ठ क्रमांक क्लिक केल्यास एक- एक पृष्ठ आपल्याला वाचता येईल) |
नुसत्याच तुझ्या हसण्याने जगण्याचे दुःख वितळले
एकाच तुझ्या स्पर्शाने आभाळ मनाचे भरले
अक्षरे पुसटली आणिक हरवली खुणेची पाने
जाणून इशारा मी ही मग पुस्तक माझे मिटले
हे उदास एकांताला छेदते कुणाचे गाणे
हे कुणी मध्यरात्रीला उबदार उन्ह अंथरले
शिणवला जन्म मी सारा बेईमान स्वप्नांसाठी
सरणावर जळता जळता हे रहस्य मज उलगडले
गायिका-वैशाली माडे
गझल-दिलीप पांढरपट्टे
संगीत-सुधाकर कदम
No comments:
Post a Comment