Thursday, January 9, 2014
Thursday, January 2, 2014
जीवनमुल्य...
जीवन मुल्यांच्या
गर्भात वाढती
आशयाची पाती
टरारोनि...
तर्कानुमानाच्या
कसोटीला खरे
‘चार्वाक’ उतरे
आणि ‘बुद्ध’...!
कार्यकारणाने
सिद्ध नसलेली
श्रद्धा फसलेली
दिसतसे...
एका हाती स्मृती
दुज्या संविधान
दुटप्पी धोरण
मारकच...
सौंदर्याने फक्त
सौंदर्य असावे
सम्यक दिसावे
सर्वकाळ...
अभिव्यक्ती आणि
आशय करती
सौंदर्य आकृती
एकसंध...
जीव आणि देह
असे विभाजन
करती अमान्य
चार्वाक्बुद्ध...
सुधाकर कदम
२९ डिसेंबर १३
गर्भात वाढती
आशयाची पाती
टरारोनि...
तर्कानुमानाच्या
कसोटीला खरे
‘चार्वाक’ उतरे
आणि ‘बुद्ध’...!
कार्यकारणाने
सिद्ध नसलेली
श्रद्धा फसलेली
दिसतसे...
एका हाती स्मृती
दुज्या संविधान
दुटप्पी धोरण
मारकच...
सौंदर्याने फक्त
सौंदर्य असावे
सम्यक दिसावे
सर्वकाळ...
अभिव्यक्ती आणि
आशय करती
सौंदर्य आकृती
एकसंध...
जीव आणि देह
असे विभाजन
करती अमान्य
चार्वाक्बुद्ध...
२९ डिसेंबर १३
Monday, December 30, 2013
Friday, December 27, 2013
Friday, December 20, 2013
Friday, December 13, 2013
"अशी गावी मराठी गझल"
काही मित्र मंडळींच्या आग्रहावरून प्रसिद्ध कवी नारायण कुळकर्णी यांचे सूत्रसंचालन असलेल्या माझ्या कार्यक्रमातील सुरेश भटांची ही गझल सादर करीत आहे.ध्वनिमुद्रण १९८४ मधील असून कॅसेटवरून CD वर उतरविल्यामुळे सदोष आहे.कृपया चांगले घ्यावे,वांगले माझ्यासाठी सोडून द्यावे.
(स्थळ-धनवटे रंग मंदिर,सीताबर्डी,नागपुर.)
Thursday, December 12, 2013
दुकानदारी...
सुंदर आश्रम
रस्ते वळणाचे
दुतर्फा फुलांचे
ताटवेही...
कारंजी,फव्वारे
मरवरी ‘फर्श’
नाजूकसा स्पर्श
पावलांना...
अध्यात्म दुकानी
भक्तरसा वेग
तल्लीन आवेग
भजनात...
झांज,ढोल वाजे
कोणी नाच नाचे
कोणी भजनाचे
ढोंग करी...
स्वतःवरी खूष
साराच जमाव
आखीव रेखीव
भक्तीमुळे...
दान पेट्या वाही
भरभरोनिया
दुप्पट कराया
मुद्दलाला...
खारीच्या वाट्याचे
नाम जपोनिया
निघती कराया
पिकनिक...
आगळी वेगळी
ट्रीप अध्यात्मिक
भजी,मिल्कशेक
शाकाहारी...
करोनिया सारे
नामाचा गजर
मेजवानीवर
ताव मारी...
दुःख हरणारे
सुपर मार्केट
सेवेसाठी थेट
भक्तांचिया...
सुधाकर कदम
Subscribe to:
Posts (Atom)
संगीत आणि साहित्य :
