समर्पण... अनुराधा मराठे

तुझीच सुमने तुझे निरांजन 

चरणी तुझिया तुझे समर्पण 

देह दिला तू दिधली वाणी 

तुझी गावया अमृत गाणी 

शब्द थांबले ओठांवरती 

नि:शब्द चाले रे पारायण 

दृष्टी दिली तू तुला पहाया 

अवघी सृष्टी तुझीच का या 

वनी उपवनी फुले माधुरी 

सरिता गाते करुणा कीर्तन 

तूच उगवतो तू मावळतो 

तारांगण तू अम्हास देतो 

सत्कार्माचे दिवे लावुनी 

साकारू दे प्रकाश पूजन 

गायिका - अनुराधा मराठे 

गीत - आशा पांडे 

संगीत - सुधाकर कदम