पाऊस...

संगीतकाराचा कस लावणारे एक वेगळ्या बाजाचे कवी अनिल कांबळे यांचे मी स्वरबद्ध केलेले हे सुंदर गीत ...जरूर ऐका...
निवेदन-कवी नारायण कुळ्कर्णी कवठेकर यांचे आहे.
(जुन्या आणि खराब झालेल्या कॅसे्टवरून उतरवले असल्यामुळे खूप ’डिस्टरबन्स’ आहे....समजून घ्यावे...)

पाऊस

पाऊस असा घनघोर
नदीला पूर
किनारे बुडले
झेलीत कंच पाऊस
कुणी हे श्वास
बहरूनी खुडले
पाऊस असा...

पाऊस असा घनघोर
तरी अनिवार
चेतले गात्र
काजळी स्वैर वार्‍यात
रक्त लाटेत
उतरली रात
पाऊस असा...

पाऊस असा घनघोर
मनी अलवार
फुले ही गाती
रानात कुणाला स्वैर
निळे वनमोर
लागले हाती
पाऊस असा...

digital art....by nil mahajan

रे मना ! तुज काय झाले सांग ना !
का असा छळतो जिवाला सांग ना !

हारण्याची ही मजा घे एकदा
जिंकुनी तुज काय मिळते सांग ना !

नेहमी एकांत हा अंधारतो
' अत्त दीपो ' का न होशी सांग ना !

हासुनी हसवायचा हा मंत्र घे
दु:ख कां कुरवाळतो तू सांग ना !

सूर लावून गुणगुणावे गीत हे
ते नि तू का वेगळा रे सांग ना !

दूर तू जाणार या देहातुनी
एवढे काहूर कसले सांग ना !

 गीत-संगीत-गायक
-- सुधाकर कदम --

मल्हार...

बाभळी

लव लव हिरवी गार पालवी
काट्यांची वर मोहक जाळी
घम घम करती लोलक पिवळे
फांदी तर काळोखी काळी...

झिळ मिळ करती शेंगा नाजुक वेलांटीची वळणे
या सार्‍यातुन झिर मिर करती रंग नभाचे लोभसवाणे
कुसर कलाकृती अशी बाभळी तिला न ठावी नागर रीती

दूर कुठेतरी बांधावरती झुकुन जराशी उभी एकटी

अंगावरती खेळवी राघू लाघट शेळ्या पायाजवळी
बाळ गुराखी होऊनिया मन रमते सांज सकाळी
येते परतुन नवेच होऊन लेउन हिरवे नाजुक लेणे
अंगावरती माखुन अवघ्या धुंद सुवासिक पिवळे उटणे

कवयित्री-इंदिरा संत
संगीत-सुधाकर कदम
सादरकर्ते-भारती विद्यालयाचा वाद्यवृंद व गायक,गायिका समूह.१९८६

ग़ज़ल और बंदिश....

कुछ यादगार पल...शायर बशर नवाज़ साहब के साथ...ग़ज़ल और बंदिश