साठवणीतील आठवण

 यवतमाळ येथे ऑर्केस्ट्राच्या काळात परिसरातील नाटकांना संगीत देणे, शाळा-शाळातील 'गॅदरींग' मध्ये गाणी बसवून देणे, कुठे कुठे अकॉर्डिअनची साथ देणे असे सांगीतिक उपद्व्याप सुरू असताना नेहरू युवक केंद्राच्या प्रेरणा युवा मंचाच्या सांस्कृतिक कार्यक्रमाची जबाबदारी केंद्र प्रमुख श्री भांड यांनी माझ्यावर सोपविली.या मंचातर्फे महाराष्ट्रच नव्हे तर पंजाबातील जगराव येथील राष्ट्रीय एकात्मता शिबिरासाठी मी एक ग्रुप करून तेथे सांस्कृतिक कार्यक्रम सादर केले.त्यावेळी नुकतेच अमृतसरला 'ब्ल्यू स्टार' ऑपरेशन झाले होते.

त्यामुळे पंजाबातील परिस्थिती अत्यंत संवेदनशील असल्यामुळे महाराष्ट्रातून कोणताच ग्रुप जायला तयार नव्हता. पण मी माझ्या ग्रुपला घेऊन गेलो. जवळ जवळ १५ वर्षे मी प्रेरणा युवा मंचाशी संलग्न राहिलो. नंतर सुरेश भटांसोबत मराठी गझल व गझल गायकीच्या प्रचार-प्रचारासाठी झोकून दिल्यामुळे नेहरू युवक केंद्रापासून दूर गेलो.खालील छायाचित्र यवतमाळच्या नगर भवनातील कार्यक्रमासाठी मी बसविलेल्या वाद्यवृंदाचे आहे.कृष्ण-धवल ओरिजनल आहे.त्याचे रूपांतर AI द्वारे मित्रवर्य देवदत्त संगेप यांनी करून दिले.त्यांना धन्यवाद!

या पोस्टला कारणीभूत तेच आहेत.😊

● छायाचित्रात डावीकडून केंद्र प्रमुख भांड (सतार),श्री खंडकर (व्हायोलिन),महादेव शिरे (तानपुरा),अस्मादिक (हार्मोनियम),श्री निंभेकर (सारंगी),श्री भांडेगावकर (बासरी),शेखर सरोदे (तबला).