"मैफल" क्षणचिते...अमरावती.दि.२६ डिसेंबर २०२४.

 

"भक्तीगीत" ध्यास लागलासे मजला विठू माऊलीचा...

      काही काही गाण्यांचे योग अप्रतिम असतात.त्यातीलच राज यावलीकरांनी लिहिलेले हे भक्तीगीत. आज पंडित शौनक अभिषेकीच्या हस्ते युट्युबवर प्रकाशित करण्यात आले.बुवांपासून अभिषेकी घराण्याशी संबंध आहेत.आज तिसऱ्या पिढीतील गायक चि.अभेद अभिषेकी याचीही या निमित्ताने भेट झाली.पुण्यात आल्यानंतर मी संगीत दिलेला पहिला अल्बम #अर्चना  हा अभिषेकी बुवांचे व विद्याताईंचे आशीर्वाद घेऊन शौनक आणि अनुराधा मराठे यांच्या आवाजात केला.( टी सिरीज).पुण्यात आल्यानंतर या अल्बमद्वारे २००६ मध्ये संगीतकार म्हणून सुरू झालेली वाटचाल आजतागायत सुरू आहे.याचे पूर्ण श्रेय बुवांना जाते.माझे अहोभाग्य की संगीत क्षेत्रातील मान्यवर मंडळी माझ्यावर प्रेम करतात.एका फोनवर शौनक अभिषेकी यांनी माझ्यासाठी वेळ काढला.पूर्ण गीत ऐकून छानशी प्रतिक्रिया पण दिली.त्याबद्दल मी त्यांचा आभारी आहे.

गायक - सुरेश वाडकर 

संगीत - अस्मादिक

संगीत संयोजक - मिलिंद गुणे

ध्वनिमुद्रण,मिक्सिंग, मास्टरिंग - पंचम स्टुडिओ,पुणे.

व्हाईस डबिंग - आजीवासन स्टुडिओ,मुंबई

      खाली युट्युब लिंक दिली आहे.एकूणच काम अप्रतिम झाले आहे.आपण जरूर जरूर ऐका आणि प्रतिक्रिया देऊन चॅनल सबस्क्राईब करा.आपल्या प्रतिक्रिया माझ्यासाठी अत्यंत मोलाच्या आहेत.

धन्यवाद!

 

गझल साधना पुरस्कार...२०२५

 

कुमार गंधर्व पुरस्कार प्रसंगीच्या भेटी....

कालच्या (१८/१/२०२५)  #कुमारगंधर्व पुरस्कार प्रसंगी फेसबुक मित्र, प्रसिद्ध चित्रकार प्रदीप म्हापसेकर यांची भेट झाली.सोबत ज्यांचे हस्ते पुरस्कार वितरण झाले ते आंतरराष्ट्रीय ख्यातीचे, 'नॅशनल फिल्म हेरिटेज मिशन'चे सल्लागार व 'ऑस्कर' अकादमीच्या निवड समितीतील 'ज्युरी' उज्वल निरगुडकर...

 

पं. कुमार गंधर्व स्मृती पुरस्कार १८/१/२०२५

एकता कल्चरल अकादमी,मुंबई

#पंडित_कुमार_गंधर्व_स्मृती_पुरस्कार स्वीकारताना...मराठी साहित्य संघ, गिरगांव.

दि.१८जानेवारी २०२५

 

गझल साधना पुरस्कार २०२५

प्रति,

मा. सुधाकर कदम

ज्येष्ठ गायक आणि संगीतकार 

विषय - दुसरे अ. भा. एल्गार मराठी गझल संमेलन अंबाजोगाई यात पहिला 'गझल साधना पुरस्कार २०२५' बाबत

महोदय

आपण गेली अनेक दशके गझल, कविता, भावगीते यांना संगीतकार म्हणून संगीत देण्याचे कार्य करत आला आहात. सुरेश भट यांच्या अनेक गझलांना आपण आपल्या सुमधुर संगीत रचनांनी संगीतबद्ध केले आहे. त्यांनी आपणास 'गझल गंधर्व' ही पदवी बहाल केली.  इतरही अनेक कवींच्या गझल व भावगीतांना आपण संगीतबद्ध केले आहे. 

आयुष्यभर आपण गझलेवर प्रेम करीत आला आहात. ही सेवा आमच्यासाठी, रसिकांसाठी खूप मोलाची आहे असे वाटते. नवनवीन गझलाना तुम्ही तुमच्या संगीतामुळे ओळख प्राप्त करून दिली आहे. 

आपले हे कार्य आम्हाला खूप प्रेरणादायी वाटते. आणि पुढील पिढीसाठीही ते मार्गदर्शक आणि प्रेरणादायी राहीलच, यात काही शंका नाही. 

आपल्या गझलेप्रती असलेल्या समर्पित संगीतसेवेचा यथोचित सन्मान व्हावा यासाठी आपल्याला  २०२५ चा पहिला "#गझल_साधना_पुरस्कार'' आदरपूर्वक प्रदान करण्यात येत आहे.

यंदाच्या गझल संमेलनापासून साधना सेवाभावी संस्था, अंबाजोगाई हा पुरस्कार प्रतिवर्षी देणार आहे.

रु. ११०००/-, आणि स्मृतिचिन्ह असे या पुरस्काराचे स्वरूप असणार आहे. 

दिनांक १-२ फेब्रुवारी २०२५ रोजी हे संमेलन अंबाजोगाई येथे पार पडत आहे. या संमेलनाच्या समारंभात संमेलन अध्यक्ष डॉ. दिलीप पांढरपट्टे  यांच्या हस्ते व उद्घाटक डॉ. संदीप गुप्ते यांच्या उपस्थित हा पुरस्कार आपणास सन्मानपूर्वक प्रदान केला जाईल. 

आपण तो स्वीकारावा ही नम्र विनंती.

 आपला 

दगडू लोमटे

साधना सेवाभावी संस्था अंबाजोगाई  तथा स्वागताध्यक्ष, दुसरे अ. भा. एल्गार मराठी गझल संमेलन अंबाजोगाई

 

पंडित कुमार गंधर्व पुरस्कार २०२५

• एकता कल्चरल अकादमी (रजि.)
• (कला, साहित्य, सांस्कृतिक, शैक्षणिक व वैद्यकीय क्षेत्राला वाहून घेतलेली पंजीकृत संस्था)
•                                     दि.१३ जानेवारी २०२४
• 
  
• प्रति,
• सुधाकर कदम
• (संगीत)
• स. न. वि. वि.
• 
  
• महोदय,
• 
  
• 'एकता कल्चरल अकादमी तर्फे प्रत्येक वर्षी महाराष्ट्रातील नामवंत व्यक्तींना एकता पुरस्कार देऊन गौरवण्यात येते.आम्हास कळविण्यास अत्यानंद होत आहे की,'संगीत' क्षेत्रातील आपल्या उल्लेखनीय कामगिरीबाबत अकादमीच्या निवड समितीने २०२४-२०२५ सालासाठी पंडित #कुमार_गंधर्व_स्मृति_पुरस्कारासाठी आपली एकमताने निवड केली गेली आहे.
• 
  
• कृपया, आपण आपली स्वीकृती कळवावी.
• 
  
• 'एकता महोत्सवा'त आंतरराष्ट्रीय ख्यातीचे, नॅशनल फिल्म हेरिटेज मिशन'चे सल्लागार व 'ऑस्कर अकादमीच्या निवड समितीतील ज्युरी उज्वल निरगुडकर यांच्या हस्ते सदर पुरस्काराचे वितरण करण्यात येणार आहे.
• 
  
• सदर पुरस्कार वितरण समारंभ
• शनिवार दिनांक १८ जानेवारी २०२५ रोजी 
• सायं. ४:०० वाजता गिरगाव येथील मराठी साहित्य संघ नाट्यगृह येथे आयोजित करण्यात आला आहे.
• 
  
• सदर समारंभास आपण उपस्थित राहावे,
• 
  
• ही अगत्याची विनंती.
• 
  
• कळावे, कळवावे..
• 
  
• आपले स्नेहांकित,
• 
  
•     अध्यक्ष                उपाध्यक्ष             सचिव
• प्रकाश ग. जाधव    उज्जय आंबेकर   प्रकाश पाटील
• 
  
• 
  
• 
  
• विरार कार्यालय : ए/२०४, विशाल हेवन, मनवेलपाडा रोड, विरार (पू.)-४०१३०५.
• मो.९२२०८९९१२०.
• 
  
• इमेल: ektaculturalacademy@gmail.com फेसबुक पेज: ekta cultural academy