माझ्या २२अक्षरी चित्रकवितेला सुधाकरी नाव दिल्यामुळे काही वर्षांअगोदर बऱ्याच लोकांना पोटदुखी सुरु झाली होती.ती मी बाळंतकाढा देऊन शमवली होती.आता पुन्हा काही विद्वान सुधाकरीचा इतिहास काय? याला मान्यता आहे काय? असल्यास कुणी दिली ? वगैरे प्रश्न माझ्यापर्यंत इकडून,तिकडून पोहचवत आहेत...
तर माझ्या विद्वान मित्रांनो...माझा जन्म वारकऱ्याच्या घरात झाला आहे.जन्मल्यापासून "हरी मुखे म्हणा हरी मुखे म्हणा, पुण्याची गणना कोण करी" ही २२ अक्षरे कानावर पडत गेलीे.ती इतकी रुजली की मला जे काव्य सुचायला लागले ते याच 'फॉर्म'मध्ये सुचत गेले.म्हणून मग मला जे म्हणायचे, लोकांना सांगायचे ते चित्रासह २२ अक्षरात सांगणे सुरु केले...आणि त्याला नाव दिले "सुधाकरी"!
आता या नावामुळे कुणाच्या केंद्रबुडाखाली जाळ लागत असेल किंवा लागला असेल त्याने आपले बूड इंद्रायणीच्या डोहात नेऊन बुडवावे...थंडावा मिळेल याची खात्री आहे.
जसा मराठी गझल गायकीचा इतिहास माझ्यापासून (वर्तमानपत्रीय व इतर कागदोपत्री (यात सुरेश भटांची पत्रेही आलीत) असलेल्या लिखित दस्तऐवजांसह,नुसते तोंडातोंडी नाही)...सुरू होतो तसाच "सुधाकरी" (चित्रकविता) हा प्रकार माझ्यापासून सुरु झाला आहे.आणि इथून हा इतिहास सुरु होतो.पुढचे माहित नाही,बाकी ठीक.

(कुणी याला माज म्हटले तरी चालेल)
धन्यवाद !
"तुका म्हणे नाहीं
संताची मर्यादा
निंदे तोचि निंदा
मायझवा...
- संत तुकाराम
______________________________________________________________________________
(मराठी गझल व गझल गायकीच्या संदर्भातील माहितीसाठी खालील कात्रणातील मजकूर गझल रसिकांनी जरूर वाचावा.-अनंत दीक्षित,दै.सकाळ)