इतकेच मला जाताना सरणावर कळले होते
मरणाने केली सुटका जगण्याने छळले होते
ही दुनिया पाषाणाची बोलून बदलली नाही
मी बहर इथे शब्दांचे नुसतेच उधळले होते
गेलेल्या आयुष्याचा मधुमास गडे विसरू या
पाऊल कधी वार्‍याचे माघारी वळले होते
घर माझे शोधाया मी वार्यावर वण वण केली
जे दार खुले दिसले ते आधीच निखळले होते
मी एकटाच त्या रात्री आशेने तेवत होतो
मी विझलो तेव्हा सारे आकाश उजळले होते
मरणाने केली सुटका जगण्याने छळले होते
ही दुनिया पाषाणाची बोलून बदलली नाही
मी बहर इथे शब्दांचे नुसतेच उधळले होते
गेलेल्या आयुष्याचा मधुमास गडे विसरू या
पाऊल कधी वार्‍याचे माघारी वळले होते
घर माझे शोधाया मी वार्यावर वण वण केली
जे दार खुले दिसले ते आधीच निखळले होते
मी एकटाच त्या रात्री आशेने तेवत होतो
मी विझलो तेव्हा सारे आकाश उजळले होते
गायक व संगीतकार - सुधाकर कदम
गझलकार - सुरेश भट
गझलकार - सुरेश भट
No comments:
Post a Comment