अवखळ मन हे ऐकत नाही...

   माझ्या रचनेवर सुरावट येणे फार कमी वेळा घडते.

आल्यावर तिचा राग शोधायला जावे तर कोड्यात पडायला होते.नुकतीच ध्वनिमुद्रित झालेली ही रचना कोणत्या रागात आहे हे आपण रसिकांनीच सांगावे...गायक मयूर बद्दल काय बोलू? या रचनेची बंदिश मंद्र सप्तकातील पंचमपासून तार सप्तकातील मध्यमापर्यंत जाणारी आहे.मयूरने  मंद्र पंचम ते तार मध्यम आपल्या दमदार गायकीनेअतिशय सुंदर रीतीने निभवला.हे कौतुकास्पद आहे.ऐका तर...अवखळ मन!

अवखळ मन हे ऐकत नाही

होई भरकट पुन्हा पुन्हा ही

किती बंधने घाला त्यावर

तरी होतसे पुन्हा प्रवाही

धरती अंबर जेथे मिळते

त्या क्षितिजाला अंतच नाही

साधे सोपे असूनही पण

गूढ भासते सारे काही

गायक - मयूर महाजन

तबला - अपूर्व द्रविड

सतार - प्रसाद गोंदकर

गिटार - राधिका अंतुरकर

संगीत संयोजक - मिलिंद गुणे

ध्वनिमुद्रण - पंचम स्टुडिओ,पुणे.

मिक्सिंग,मास्टरिंग - अजय अत्रे