.महाराष्ट्रगीत...कुसुमाग्रज
हे शिवसुंदर समर शालिनी महाराष्ट्र माऊली
युगा युगांची जीवन गंगा उदे तुझ्या पाऊली
मराठमोळी जमीन काळी सह्यगिरीचे कडे
सदाशिवाची चरण चाल यातून एकदा घडे
पायखुणांवर स्मरण मंदिरे इथे उभी राहिली
शिव हास्यासम मुक्त वाहते इकडे गोदावरी
ज्वारीसह समशेर पोसली कृष्णा तीरावरी
विसावली वर्धेवर अवघ्या दुनियेची सावली
भावभक्तीचे पुन्हा पुन्हा तुज अभिवादन भगवती
तुझ्या पदावर नव्या युगाची,घडेल अमरावती
किरण क्रांतीचे दिसतील देवी,तुझ्याच उदयाचली
जय महाराष्ट्र ! जयहिंद !