Tuesday, August 30, 2016
Saturday, August 20, 2016
पाऊस...
निवेदन-कवी नारायण कुळ्कर्णी कवठेकर यांचे आहे.
(जुन्या आणि खराब झालेल्या कॅसे्टवरून उतरवले असल्यामुळे खूप ’डिस्टरबन्स’ आहे....समजून घ्यावे...)
पाऊस
पाऊस असा घनघोर
नदीला पूर
किनारे बुडले
झेलीत कंच पाऊस
कुणी हे श्वास
बहरूनी खुडले
पाऊस असा...
पाऊस असा घनघोर
तरी अनिवार
चेतले गात्र
काजळी स्वैर वार्यात
रक्त लाटेत
उतरली रात
पाऊस असा...
पाऊस असा घनघोर
मनी अलवार
फुले ही गाती
रानात कुणाला स्वैर
निळे वनमोर
लागले हाती
पाऊस असा...
Thursday, August 4, 2016
रे मना ! तुज काय झाले सांग ना !
का असा छळतो जिवाला सांग ना !
हारण्याची ही मजा घे एकदा
जिंकुनी तुज काय मिळते सांग ना !
नेहमी एकांत हा अंधारतो
' अत्त दीपो ' का न होशी सांग ना !
हासुनी हसवायचा हा मंत्र घे
दु:ख कां कुरवाळतो तू सांग ना !
सूर लावून गुणगुणावे गीत हे
ते नि तू का वेगळा रे सांग ना !
दूर तू जाणार या देहातुनी
एवढे काहूर कसले सांग ना !
गीत-संगीत-गायक
-- सुधाकर कदम --
Tuesday, August 2, 2016
Subscribe to:
Posts (Atom)