गझल

माझी मराठी गझल गायकी

मराठी गझल गायकीला तशी कोणतीही परंपरा नाही.माझ्या अगोदर मराठी गझल,गझलसारखी गाण्याचा फ़ारसा प्रयत्न कोणीच केला नसल्यामुळे मराठी गझल गाणे हे माझ्यासाठी आव्हान होते.मराठीमध्ये गझल जशी उर्दूकडून आली तशीच मराठी गझल गायकीही उर्दू गझल गायकांकडून उचलावी लागली.माझी गायकी किंवा ढंग हा पाकिस्तानचे मेहदी हसन,फ़रिदा खानम,गुलाम अली व आपले जगजीत सिंग ह्यांच्या गायकीवरुन तयार झाला आहे.त्या काळात विदर्भातील यवतमाळ जिल्ह्यातील आर्णी सारख्या आडवळणी गावात वरील गायकांच्या ध्वनिमुद्रिका सुध्दा मिळत नव्हत्या.पाकिस्तान रेडिओवरुन जे काही ऐकायला मिळायचे त्यावरुन मला जेवढे शिकता येईल तेवढे शिकत गेलो.पुढे स्व.सुरेश भटांनी मला मेहदी हसन,फ़रीदा खानम, यांच्या ध्वनिफ़िती दिल्या.हळूहळू गुलाम अली,जगजीत सिंग,बेगम अख्तर यांच्याही गायकीचा अभ्यास करुन मी माझा वेगळा असा बाज निर्माण केला. (पृष्ठ क्रमांक क्लिक केल्यास एक- एक पृष्ठ आपल्याला वाचता येईल)

पृष्ठ क्र.



Saturday, August 20, 2016

पाऊस...

संगीतकाराचा कस लावणारे एक वेगळ्या बाजाचे कवी अनिल कांबळे यांचे मी स्वरबद्ध केलेले हे सुंदर गीत ...जरूर ऐका...
निवेदन-कवी नारायण कुळ्कर्णी कवठेकर यांचे आहे.
(जुन्या आणि खराब झालेल्या कॅसे्टवरून उतरवले असल्यामुळे खूप ’डिस्टरबन्स’ आहे....समजून घ्यावे...)

पाऊस

पाऊस असा घनघोर
नदीला पूर
किनारे बुडले
झेलीत कंच पाऊस
कुणी हे श्वास
बहरूनी खुडले
पाऊस असा...

पाऊस असा घनघोर
तरी अनिवार
चेतले गात्र
काजळी स्वैर वार्‍यात
रक्त लाटेत
उतरली रात
पाऊस असा...

पाऊस असा घनघोर
मनी अलवार
फुले ही गाती
रानात कुणाला स्वैर
निळे वनमोर
लागले हाती
पाऊस असा...

digital art....by nil mahajan


Thursday, August 4, 2016



रे मना ! तुज काय झाले सांग ना !
का असा छळतो जिवाला सांग ना !

हारण्याची ही मजा घे एकदा
जिंकुनी तुज काय मिळते सांग ना !

नेहमी एकांत हा अंधारतो
' अत्त दीपो ' का न होशी सांग ना !

हासुनी हसवायचा हा मंत्र घे
दु:ख कां कुरवाळतो तू सांग ना !

सूर लावून गुणगुणावे गीत हे
ते नि तू का वेगळा रे सांग ना !

दूर तू जाणार या देहातुनी
एवढे काहूर कसले सांग ना !

 गीत-संगीत-गायक
-- सुधाकर कदम --






संगीत आणि साहित्य :