गझल

माझी मराठी गझल गायकी

मराठी गझल गायकीला तशी कोणतीही परंपरा नाही.माझ्या अगोदर मराठी गझल,गझलसारखी गाण्याचा फ़ारसा प्रयत्न कोणीच केला नसल्यामुळे मराठी गझल गाणे हे माझ्यासाठी आव्हान होते.मराठीमध्ये गझल जशी उर्दूकडून आली तशीच मराठी गझल गायकीही उर्दू गझल गायकांकडून उचलावी लागली.माझी गायकी किंवा ढंग हा पाकिस्तानचे मेहदी हसन,फ़रिदा खानम,गुलाम अली व आपले जगजीत सिंग ह्यांच्या गायकीवरुन तयार झाला आहे.त्या काळात विदर्भातील यवतमाळ जिल्ह्यातील आर्णी सारख्या आडवळणी गावात वरील गायकांच्या ध्वनिमुद्रिका सुध्दा मिळत नव्हत्या.पाकिस्तान रेडिओवरुन जे काही ऐकायला मिळायचे त्यावरुन मला जेवढे शिकता येईल तेवढे शिकत गेलो.पुढे स्व.सुरेश भटांनी मला मेहदी हसन,फ़रीदा खानम, यांच्या ध्वनिफ़िती दिल्या.हळूहळू गुलाम अली,जगजीत सिंग,बेगम अख्तर यांच्याही गायकीचा अभ्यास करुन मी माझा वेगळा असा बाज निर्माण केला. (पृष्ठ क्रमांक क्लिक केल्यास एक- एक पृष्ठ आपल्याला वाचता येईल)

पृष्ठ क्र.



Monday, May 27, 2013

किरकेट...



क्रिकेट आमुचा 
अति सभ्य खेळ 
फिक्सिंगचा मेळ 
जमोणारा...

अजहरुद्दीन
अजय जडेजा 
नमनाचे राजा 
फिक्सिंगचे...

नविन मोहरे 
चव्हाण अंकित
चंडिल अजित 
व श्री शांत...

IPL सर्कस
खेळवी खेळाडू 
सट्टॆबाज भिडू 
मालामाल...

सदाच ‘दसरा’ 
सट्टेबाजांसाठी 
खेळाडूंच्या घरी
‘दीपवाळी’...

अति मोहाच्या 
चक्रव्युहामध्ये
अडकले गधे
स्वतःहून...

हागून भरवू
जेथे खाऊ तेथे
असे हे दिवटे
भडभुंजे...

क्रिकेटच्या उद्धारा
‘संत’ची विभूति
पै,पोरी भोगती
मुक्तपणे...

छी थू झाली जरी
देशाची तरी ही
लाज ना जराही
कोणालाच...

म्हणती क्रिकेट
आमुचे जीवन
खाऊन पिऊन
ढेकरण्या...

‘सुधा’म्हणे गेला 
खेळ मसनात 
मालक झालेत  
धनवान... 

सुधाकर कदम





संगीत आणि साहित्य :