ये न ये टिपूरसे चांदणे पुन्हा पुन्हा
हो न हो कधी असे जागणे पुन्हा पुन्हा
का जपून बोलशी ? शब्द शब्द तोलशी ?
हे असे न व्हायचे बोलणे पुन्हा पुन्हा
माझिया मनातला चंद्र मी तुला दिला
का अनोळखी तुझे वागणे पुन्हा पुन्हा
दुःख जीवनातले काय मी न सोसले?
हे तुझे न सोसवे हासणे पुन्हा पुन्हा
सांग एकदा मला ही तुझी कशी कला?
जाळणे पुन्हा पुन्हा. टाळणे पुन्हा पुन्हा
गायक - मयूर महाजन आणि प्राजक्ता सावरकर शिंदे.
शब्द - ज्योती राव ( बालिगा )
सहकलाकार - मुकुंद पेटकर (हार्मोनियम),प्रभंजन पाठक (व्हायोलिन), ओंकार भुसारे (तबला),आशिष कदम (की बोर्ड) आणि सूत्र संचालन - शाहीर सुरेशकुमार वैराळकर.
No comments:
Post a Comment