उमलून मी येऊ कशी ? मराठी गझल.

   .                  #मैफल
      (भैरवी रागातील अनवट स्वररचना)

मज सांग आज तुझ्याकडे उमलून मी येऊ कशी
भवतालच्या नजरांस या चुकवून मी येऊ कशी

कुठल्या घराचा उंबरा खिळवून मजला ठेवतो
तुझिया करी उल्केपरी निखळून मी येऊ कशी

आली अचानक कोठुनी ही शीळ चंदेरी तुझी
माझ्या मनाच्या पायऱ्या उतरून मी येऊ कशी

माझ्याच श्वासांचा उभा आहे पहारा भोवती
आयुष्य हे की पिंजरा निसटून मी येऊ कशी

गायिका - प्राजक्ता सावरकर शिंदे #prajakta_savarkar_shinde

गझल - ज्योति बालिगा राव #jyotibaligarao

संगीत - #गझलगंधर्व सुधाकर कदम
#sudhakarkadam 

तबला - देवेन्द्र यादव

हार्मोनियम - रामेश्वर ताकतोडे

व्हायोलिन - हरीश लांडगे

की बोर्ड - आशिष कदम

सूत्र संचालन - शाहीर सुरेशकुमार वैराळकर

●संत ज्ञानेश्वर सभागृह,अमरावती. दि.२६/१२/२०२४