तुझे तुला जगायचे...

.                 #मैफल

हसून वा रडूनिया तुझे तुला जगायचे
असेच दुःख झेलुनी सुखासवे फुलायचे

कधी कुठे असायचे कधी कुठे नसायचे
खुडून टाकले तरी नभात भिरभिरायचे

सुगंध घेउनी सवे दवात रोज न्हायचे
पुन्हा पुन्हा फलूनिया खुशाल दर्वळायचे

मधाळ चांदरातही न राहिली मिठीत या
म्हणून का उगीच मी तुझ्याविना झुरायचे

हवे तसे जगावयास ना मिळे कुणासही
कठोर सत्य हेच तर कशास मग रडायचे

गायक - मयूर महाजन #mayurmahajan
गायिका - प्राजक्ता सावरकर शिंदे #prajaktasavarkarshinde
शब्द आणि संगीत - #गझलगंधर्व सुधाकर कदम
#sudhakarkadam

तबला - देवेन्द्र यादव
हार्मोनियम - रामेश्वर ताकतोडे
व्हायोलिन - हरीश लांडगे
की बोर्ड - आशिष कदम
सूत्र संचालन - शाहीर सुरेशकुमार वैराळकर

●संत ज्ञानेश्वर सभागृह,अमरावती. दि.२६/१२/२०२४